Ychydig ddyddiau o ymlacio, cymdeithas a gweinidogaeth yn y Bala.
Croeso i Hafan, ym Mryn-y-Groes, Y Bala.
Dyma wythnos o wyliau i oedolion a chyfle i ymlacio, mwynhau cymdeithas ac elwa o weinidogaeth y Gair.
Bydd Geraint Morse yn arwain yr wythnos ac yn agor y Gair bob bore. Bydd amrywiaeth o ddigwyddiadau gyda’n gilydd yn yr hwyr a thrip ar y dydd Mercher.
Bydd yr wythnos yn cychwyn gyda phryd o fwyd am 6 yr hwyr nos Lun, ond mae croeso i chi gyrraedd unrhywbryd yn y prynhawn. Bydd y tegell ymlaen! Bydd y gwyliau yn dod i ben ar ôl brecwast ar y bore Sadwrn (* sylwer bod diwrnod ychwanegol eleni).
Pryd?
18-23 Mehefin 2018
Dydd Llun-Sadwrn
Cost…
- Y gost fydd £270 yn cynnwys lluniaeth llawn a thripiau.
- Os hoffech warantu ystafell sengl bydd cost ychwanegol o £30.
- Gofynnir am flaendal o £30 y pen gyda’r ffurflen archebu. Gallwch dalu’r gweddill yn ystod yr wythnos.
- Bydd angen cynfasau gwely a thywelion arnoch chi. (Gallwn ddarparu rhai am gost ychwanegol o £6).
- Sylwer nad oes lifft i’r llawr cyntaf. Mae nifer cyfyngedig o lefydd ar y llawr gwaelod – cyntaf i’r felin! Mae rhai ystafelloedd en-suite ar gael eleni ym mloc Tŷ Ddewi.
Archebu
Cwblhewch y ffurflen archebu isod, neu lawr lwythwch Ffurflen Archebu Hafan 2018 a’i ddychwelyd i Fryn-y-groes.
