Chwilio'r safle

Rhowch y geiriau allweddol yn y blwch isod:

Mae eich preifatrwydd yn bwysig iawn i ni ac rydym felly wedi adnweyddu ein polisi preifatrwydd i fod yn gymwys a deddfwriaeth GDPR newydd. Gellir gweld y polisi drwy glicio yma.

Polisi preifatrwydd

Cynhadledd Gymraeg Aberystwyth

Gras o gylch y Gair i deulu'r Eglwys

O ganlyniad i’r sefyllfa bresennol gyda Covid-19, ac er mwyn dilyn canllawiau’r llywodraeth, rydym wedi gohirio/canslo’r digwyddiad hwn. Bydd mwy o wybodaeth yn cael ei ddosbarthu dros y dyddiau nesaf. Os ydych wedi archebu byddwn yn cysylltu gyda chi yn fuan iawn gyda manylion pellach.

 

Yn ein dyddiau ni mae gwyliau yn bwysig ac yn beth i’w drysori. Mae’n gyfle i gilio oddi wrth brysurdeb bywyd a gwaith, gan ymlacio gyda theulu neu ffrindiau mewn awyrgylch gwahanol.

Beth well nac ymuno gyda Christnogion eraill o bob rhan o Gymru am wyliau, cyfle i gymdeithasu ac yn fwy pwysig na dim arall – ceisio’r Arglwydd?

Os ydych chi’n dod ar eich pen eich hunan, yn deulu neu’n rhan o grŵp, a beth bynnag yw eich cefndir enwadol neu eglwysig, bydd croeso cynnes i chi yn Aberystwyth eleni!

Ymunwch gyda ni wrth i ni geisio a derbyn gras o gylch y Gair.

Y Gynhadledd…

Bendith sy’n parhau
Canolbwynt y gynhadledd yw’r cyfarfodydd lle y cawn gyfle i addoli a cheisio Duw ac i ddysgu wrth i ni wrando ar y pregethu beiblaidd. Mae’r wythnos yn fendith yng ngwir ystyr y gair, bendith sy’n parhau drwy gydol y flwyddyn wrth i bobl ddychwelyd gartref wedi eu harfogi a’u tanio i ddyfalbarhau yn y bywyd Cristnogol.

Cymdeithas
Mae’r gynhadledd yn gyfle i gyfarfod â Christnogion eraill o bob rhan o Gymru (a thu hwnt). Yn ogystal â chyd addoli gydag eraill, mae digon o gyfle i rannu a chwrdd â ffrindiau hen a newydd.

Amser i ymlacio
Lle i gael eich adnewyddu yn ysbrydol a chorfforol yw’r gynhadledd. Er bod y rhaglen yn gynhwysfawr, mae digon o gyfle i ymlacio a meddwl dros yr anerchiadau, yn un o ardaloedd prydfertha’r byd!

Ceisio Duw
Mae’r gynhadledd yn gyfle i ymdawelu a cheisio’r Arglwydd yn bersonol. Bob blwyddyn tystia gymaint i’r ffordd y mae’r Arglwydd wedi agosáu atynt yn ystod wythnos y gynhadledd wrth iddynt roi amser i’w geisio.

Gobeithio y bydd y tudalenau yma yn rhoi’r holl wybodaeth yr ydych ei angen ar gyfer y gynhadledd. Ond cofiwch gysylltu gyda’r swyddfa os am fwy o wybodaeth.

Manylion Cynhadledd 2020

Pryd? Nos Lun, 17 Awst i Nos Wener 21 Awst 2020

Ble? Canolfan Gynadledda MedRus, Aberystwyth

Prif Siaradwr: Derrick Adams

Cyfieithu – Mae’r gynhadledd o fewn cyrraedd i nifer eang o Gristnogion gan fod cyfieithu ar y pryd ar gael ym mhob un o’r prif gyfarfodydd.

Beth sy’n digwydd eleni?

Lleoliad

Lle medraf aros?

Oes angen cofrestru?