Croeso Cynnes
Yn ein dyddiau ni mae gwyliau yn bwysig ac yn beth i’w drysori. Mae’n gyfle i gilio oddi wrth brysurdeb bywyd a gwaith, gan ymlacio gyda theulu neu ffrindiau mewn awyrgylch gwahanol.
Beth well nac ymuno gyda Christnogion eraill o bob rhan o Gymru am wyliau, cyfle i gymdeithasu ac yn fwy pwysig na dim arall – ceisio’r Arglwydd?
Os ydych chi’n dod ar eich pen eich hunan, yn deulu neu’n rhan o grŵp, a beth bynnag yw eich cefndir enwadol neu eglwysig, bydd croeso cynnes i chi yn Aberystwyth eleni!
Ymunwch gyda ni wrth i ni geisio a derbyn gras o gylch y Gair.
Manylion 2018 yn fras
- Dydd Llun i Ddydd Gwener,
- 20-24 Awst, 2018
- Canolfan Gynadledda MedRus, Aberystwyth
- Prif Siaradwr: Meirion Morris yn siarad ar y thema ‘‘Dysgu am frenin, dyheu am y Brenin.’ Gwersi yng nghwmni Heseceia.’
- Siaradwyr eraill – Adrian Brake (Nos Lun), Rhun Murphy (Nos Fawrth), Ben Thomas (Nos Iau), Rhodri Glyn (Nos Wener),
- Nos Fercher – Noson y Galon a’r Gwaith gan gynnwys dewis o seminarau gan Gwawr Thomas a Gwawr Murphy, Carwyn Graves, Dafydd Job a Rebecca Gethin. Gwelir yma am fwy o wybodaeth.
- Cyfieithu – Mae’r gynhadledd o fewn cyrraedd i nifer eang o Gristnogion gan fod cyfieithu ar y pryd ar gael ym mhob un o’r prif gyfarfodydd.
Pam dod i’r Gynhadledd?
- Bendith sy’n parhau
Canolbwynt y gynhadledd yw’r cyfarfodydd lle y cawn gyfle i addoli a cheisio Duw gyda’n gilydd ac i ddysgu wrth i ni wrando ar y pregethu beiblaidd. Mae’r wythnos yn fendith yng ngwir ystyr y gair, bendith sy’n parhau drwy gydol y flwyddyn wrth i bobl ddychwelyd gartref wedi eu harfogi a’u tanio i ddyfalbarhau yn y bywyd Cristnogol. - Cymdeithas
Mae’r gynhadledd yn gyfle i gyfarfod â Christnogion eraill o bob rhan o Gymru (a thu hwnt). Yn ogystal â chyd addoli gydag eraill, mae digon o gyfle i rannu a chwrdd â ffrindiau hen a newydd. - Amser i ymlacio
Lle i gael eich adnewyddu yn ysbrydol a chorfforol yw’r gynhadledd. Er bod y rhaglen yn gynhwysfawr, mae digon o gyfle i ymlacio a meddwl dros yr anerchiadau, yn un o ardaloedd prydfertha’r byd! - Ceisio Duw
Mae’r gynhadledd yn gyfle i ymdawelu a cheisio’r Arglwydd yn bersonol. Bob blwyddyn tystia gymaint i’r ffordd y mae’r Arglwydd wedi agosáu atynt yn ystod wythnos y gynhadledd wrth iddynt roi amser i’w geisio.
Gobeithio y bydd y tudalenau yma yn rhoi’r holl wybodaeth yr ydych ei angen ar gyfer y gynhadledd. Ond cofiwch gysylltu gyda’r swyddfa os am fwy o wybodaeth.
Dolenni sydyn
Eisiau gwrando ar gynadleddau’r gorffennol?
Anerchiad 1 gan Emyr James o 2017 yma
Cliciwch yma am ddewis o gynadleddau
