Fel sefydliad Cristnogol ac elusen gofrestredig yn y DU rydym yn cymryd gofal plant ac oedolion sydd mewn perygl o gamdriniaeth o ddifri. Credwn mai cyfrifoldeb pawb yw diogelu.
Ceir copi o’n polisi diogelu isod, a gobeithiwn y bydd y cwestiynau ac atebion canlynol yn gymorth.
Gofynwn i bob rhiant sydd am yrru plentyn ar ein gwersylloedd ddarllen y datganiad pwysig yma.
Mae gan MEC Swyddogion Diogelu y gellir cysylltu â hwy ar gyfer cyngor a chymorth mewn perthynas ȃ phryderon diogelu; gweler y manylion isod.
- Os oes gennych wybodaeth ynglŷn ȃ sefyllfa ddiogelu lle mae plentyn neu oedolyn mewn perygl dybryd neu ag angen sylw meddygol ar frys, dylech alw’r gwasanaethau brys yn awr ar 999 – PEIDIWCH AG OEDI.
- Os ydych yn meddwl bod plentyn neu oedolyn mewn perygl o niwed nad yw’n ddybryd, dylech alw adran gwasanaethau cymdeithasol yr awdurdod lleol.
Beth yw MEC?
Elusen gofrestredig yw Mudiad Efengylaidd Cymru sy’n gwasanaethu cymunedau, eglwysi a Christnogion ers dros 70 o flynyddoedd. Arweinir yr elusen gan fwrdd ymddiriedolwyr sydd ȃ chyfrifoldeb llawn a therfynol ar gyfer ei gweithgareddau. Ceir rhagor o wybodaeth yma, ond mae gweithgareddau’r Mudiad yn cynnwys rhedeg gwersylloedd a chynadleddau, darparu adnoddau a rhoi cymorth i eglwysi.
Ydych chi’n cymryd diogelu o ddifrif?
Ydym, mae MEC wedi ymrwymo i les corfforol, emosiynol ac ysbrydol pawb sydd yn dod o dan ein gofal. Ein hamcan yw cwrdd ag angen pawb mewn amgylchedd diogel. Yr ydym hefyd yn ymdrechu i ddiogelu plant ac oedolion sydd mewn risg o gamdriniaeth a byddwn yn gweithredu os tybiwn bod camdrin wedi digwydd neu’n debyg o ddigwydd.
Beth rydych yn ei wneud i sicrhau diogelwch plant?
Mae polisi MEC yn diwallu canllawiau Llywodraeth Cymru – Gweithdrefnau Diogelu Cymru 2019. Er nad ydynt yma yn llawn, mae’r pwyntiau canlynol yn crynhoi sut yr ydym yn sicrhau diogelwch a gofal plant:
- Rydym yn sicrhau bod gweithwyr yn gymwys ar gyfer y gwaith;
- Rydym yn sicrhau fod gweithwyr yn derbyn yfforddiant ac yn dilyn protocoliau diogelu cywir;
- Rydym yn sicrhau bod ein holl weithgareddau’n ddiogel ac wedi’u goruchwylio’n gywir;
- Rydym yn sicrhau bod canllawiau clir sut i adnabod a datgelu camdriniaeth;
- Rydym yn gweithredu system lle gall plant siarad a pherson annibynnol addas os oes angen.
Sut ydych yn gwirio gwirfoddolwyr a staff?
Mae gwirio ac archwilio staff a gwirfoddolwyr yn cynnwys:
- Gwirio pob gweithiwr gyda Gwasanaeth Datgelu a Gwahardd i sicrhau eu bod yn gymwys i weithio gyda phlant/oedolion sydd mewn risg o gamdriniaeth ar lefel addas i’r swydd;
- Derbyn o leiaf dau eirda ar gyfer y gweithiwr (un gan arweinydd ei eglwys a’r llall gan rywun sydd ȃ phrofiad o’u gwaith gyda phlant – lle nad oes profiad gwaith gan yr ymgeisydd, gellir derbyn geirda gan rywun cyfrifol sy’n gallu sȏn am gymeriad yr ymgeisydd a’i berthynas gydag eraill);
- Sicrhau y gofynnir am hanes cyflogaeth llawn gan yr ymgeisydd;
- Archwilio profiad yr ymgeisydd o weithio neu ymwneud ȃ phlant mewn cyfweliad (naill ai wyneb yn wyneb neu dros y ffȏn) cyn ei gyflogi;
- Goruchwylio pob gweithiwr newydd am gyfnod prawf.
Sut rydych yn sicrhau bod eich gweithgareddau a’ch digwyddiadau’n ddiogel?
- Mae pob arweinydd gweithgareddau MEC yn derbyn hyfforddiant ac yn dilyn polisïau a gweithdrefnau cyfredol;
- Cynhelir asesiadau risg llawn gan yr arweinydd ar gyfer pob gweithgaredd a digwyddiad a’i wirio gan gydlunydd iechyd a diogelwch annibynnol i sicrhau lleihau risgiau;
- Cyflwynir gwybodaeth yn glir cyn y digwyddiad a gofynnir am ganiatȃd priodol gan rieni ar gyfer y digwyddiad.
A oes gennych yswyriant?
Mae gan MEC yswyriant llawn ar gyfer ei prif weithgareddau trwy ei yswirwyr ‘Q Underwriting Services Ltd t/a aQmen Underwriting Services’.
Pwy sy’n gyfrifol am ddiogelu?
Mae gan staff a gwirfoddolwyr MEC gyfrifoldeb i sicrhau y dilynir holl bolisïau diogelu. Yn ychwanegol, y personèl yw:
- Swyddog Diogelu– Parry Davies (cysylltwch ar 01248 354653)
- Aelod o’r staff sy’n gyfrifol am Ddiogelu – Steffan Job (01248 354653; steffanjob@mudiad-efengylaidd.org)
- Swyddog Gweinyddol Diogelu– Rebecca Gethin (01248 354653 rebeccagethin@mudiad-efengylaidd.org)
- Swyddog Iechyd a Diogelwch– Steve Webster
- Cadeirydd yr ymddiriedolwyr – David Norbury
Beth dylech ei wneud os oes gennych bryder ynglŷn ag unrhyw weithgaredd neu elfen o waith MEC?
Byddwn yn eich annog i wneud un o’r canlynol:
- Gallwch gysylltu ȃ Swyddog Diogelu MEC yn gyfrinachol trwy ein tudalen cysylltu;
- Gallwch gysylltu ȃ Thirtyone:eight ar 03030 03 1111, sy’n gorff annibynnol sy’n darparu cymorth i MEC mewn perthynas ȃ materion diogelwch;
- Gallwch gysylltu ȃ’ch adran gwasanaethau cymdeithasol neu’r heddlu.
Angen rhagor o wybodaeth?
Dylech gysylltu ȃ’r aelod o’r staff ȃ chyfrifoldeb am ddiogelu.
Safeguarding Policy_Feb22update
