Gweinyddir cyllid MEC ar y sail y bydd Duw yn darparu’r adnoddau angenrheidiol i gwblhau gwaith a ymgymerir ar ei alwad Ef. Gweddio dros waith y Mudiad yw’r peth pwysicaf y gellwch ei wneud.
Yn rhagluniaeth Duw, noddir MEC trwy ffioedd a godir am weithgareddau a gwasanaethau, yn cynnwys gwersylloedd, cynadleddau a llyfrau, a thrwy roddion a dderbynnir oddi wrth unigolion ac eglwysi sydd yn ymroddedig i amddiffyn y gwirionedd Beiblaidd a duwioldeb.
Cedwir y ffioedd hyn i’r isafswm, er mwyn ceisio sicrhau mynediad i wasanaeth y Mudiad, i bawb sy’n dymuno hynny. Er hynny mae’n rhaid i’r ffioedd fod yn ddigon uchel i sicrhau na fydd MEC yn gwneud colled ariannol trwy gynnal y gwasanaethau hyn.
Bu rhoddion hael a ffyddlon nifer o unigolion ac eglwysi yn allweddol i waith MEC o’r cychwyn, yn enwedig y gwaith o efengylu na fyddai’n gallu digwydd fel arall.